Os leóns de Medeiros

Curso 2010-11

2012-01-23T14:00:00.002+01:00

Con algo de retraso, colgamos o video que Marcos, o mestre de música do curso pasado, montou con imaxes de todos nós e unha canción que compuxo Loli, a mestra de E.F.
Sirva de recordo do seu paso polo cole, e tamén do de Nuria e Fátima. Que lles vaia ben onde queira que estén este curso. Quizais algún día os vexamos de novo.

Contacontos

2012-01-13T12:10:00.010+01:00

O pasado trimestre viñeron dúas mestras a contarnos uns contos con música. As cancións eran sobre animais: un can, un pito,un dinosaurio... A autora chamábase Susa Herrera.

Todas as cancións veñen nun libro que se chama Animais encantados. O libro trae un disco e a letra das cancións. Aquí ao lado tedes a cuberta do libro.

Elas cantaban e actuaban moi ben. Esperemos que veñan outra vez.

Aquí vos deixo un video cunha actuación delas.

Abraham Carreiro

2011-05-02T10:10:00.008+02:00

Abraham veu o noso colexio a enseñarnos a debuxar máis facilmente, e para que nos guste esa afición, que é o seu traballo.

Enseñounos unhas pinturas que se chaman pasteis secos, que cando lle pasas o dedo por enriba extenden o que pintaches. Tamén aprendimos a debuxar animais, e saíronnos a todos moi ben .

Quedamos moi contentos. Cando buscamos informacion sobre el dímonos conta de que era fillo de Pepe Carreiro, o autor dos Bolechas e dos Barbanzóns.

Podedes ver parte dos seus traballos no seu blog.

Fontes de Verín

2011-04-28T09:49:00.001+02:00

O outro día fomos a Verín a ver as fontes. Estuvemos en catro: a de Cabreiroá, a Fontenova, Sousas e a Fonte do Sapo.
O día antes buscamos información sobre elas, e ao chegar alí explicámoslle aos nosos compañeiros o que averiguamos. Máis tarde probamos a auga. A que millor sabía era a de Sousas, e a peor a do Sapo.

OS CAMPEÓNS DE BAILE DEPORTIVO DE ESPAÑA

2011-04-27T14:22:00.008+02:00

O pasado día 14 de abril viñeron visitarnos os campeóns de España de baile deportivo, Patricia e Adrián.

Cando chegaron, dixéronnos os tipos de bailes que había, e logo fixemos un xogo. Enseñáronnos a bailar Cha Cha Cha, e despois bailáronnos 3 bailes: Rockanrol, Salsa e Cha Cha Cha.

Os profesores invitáronos a comer pero non puideron porque tiñan que ir a outro colexio.

As rapazas pasámolo moi ben pero os rapaces estaban aburridos. Aos rapaces non lle gusta bailar.

ENREDADOS

2011-02-14T15:21:00.004+01:00

El pasado 10 de Febrero todo el colegio fue en autobús al cine de Xinzo.

Vimos la película "ENREDADOS"en 3D. Al entrar una mujer nos dió unas gafas azules y muy grandes para poder ver la película mejor. A veces creíamos que podíamos coger las cosas,porque parecía que venían hacia ti. La peli nos gustó mucho y algunos incluso lloraron de la emoción. Este no fue el caso de María Castro, la más peque del cole, que lloró porque tenía miedo.

La película trata de una reina que cuando estaba embarazada se puso mala y para curarla le dieron una medicina hecha de una flor que provenía del sol y era curativa. Cuando nació la niña la secuestró una mujer porque su pelo era mágico y mantenía eternamente joven a quien tocaba el pelo mientras cantaba una canción. Se la llevó a una torre y allí la tuvo encerrada durante 18 años.

Un día un ladrón apareció en la torre mientras escapaba de los guardias porque había robado la corona de la princesa. La chica le dijo que le devolvería la corona si la llevaba a ver los farolillos voladores que veía desde la torre todos los días de su cumpleaños. A partir de ahí los dos se van conociendo mientras viven una gran aventura.

EL AÑO QUE FUIMOS CAMPEONES DEL MUNDO

2011-02-11T11:24:00.007+01:00

Ola, son Miguel.

Este cómic conta todo o que lle sucedeu á selección española de fútbol no Mundial de Sudáfrica.

A min gustoume moito porque aparecían os goles e todas as xogadas máis importantes, pero o mellor foi o momento en que Casillas levantou a Copa de Campeóns do Mundo.

Ademais, os debuxos son tan reais que parece que lles fixeron unha foto aos protagonistas reais e a pegaron no cómic.

Aquí tedes un video que compila os mellores momentos da Seleción no Mundial de Sudáfrica.

FRANKENSTEIN

2011-02-09T12:12:00.011+01:00

Hola, son Ana, e acabo de ler un libro de banda deseñada que me gustou moito. Chámase Frankenstein, e eu pensaba que o monstrou do que falaba se chamaba así, pero grazas a este libro descubrín que ese non é o nome do monstruo, senon o apelido do seu creador, o Dr. Victor Frankenstein.

Nesta historia, un home en busca da súa irmá encontra a Victor. Cando o recolle e o sube ao seu barco, Victor cóntalle a súa historia tan curiosa. Resulta que o Dr. Frankenstein creara un ser vivo a partir de partes doutras persoas mortas. Neses días en que o creaba morreu a súa nai, que antes de morrer díxolle que se casara coa súa irmá adoptiva, para que non se poideran separar nunca. O monstruo que Frankenstein creara, matou ao seu irmán pequeno e a irmá coa que se ía casar. Tamen matou a outro amigo, e todo polos ciumes que tiña da xente a que Victor queria.

Gustoume moito, e estaría ben que lle fixeran unha segunda parte. Os debuxos están moi ben e son tan guapos que foron os que me fixeron decidir por este libro e non por outro. Reproducen moi ben o ambente triste e tenebroso da historia. Por certo, o libro escribiuno unha muller chamada Mary Shelley no S XIX, e as ilustracións son dun debuxante francés chamado Marion Mousse. Aquí vos queda unha páxina, e algo máis abaixo o trailer dunha das primeiras películas que se fixeron sobre o libro. Esta é nada menos que de ¡1910!.

A NECRÓPOLE DE MEDEIROS

2011-01-31T09:53:00.018+01:00

NECRÓPOLE DE MEDEIROS

En 1984, nos arredorres da capela de San Salvador da Roza en Medeiros (Monterrei), atopáronse uns sepulcros moi antigos. Foron atopados cando se arranxaba o adro e o camiño que leva á capela. Pouco despois, cando se soubo do seu valor, foron expostas ao público. No ano 2009 apareceron dous novos sepulcros.
Os arqueólogos que as estudaron, dixeron que foron feitas entre o S. VI e o IX. Teñen diferentes formas: algunhas son rectangulares; outras teñen forma de persoa; algunhas parecen ser de nenos e outras de adultos. Unhas teñen símbolos que parecen letras, e tamén debuxos en relevo con forma de tridente. Os arqueólogos din que estes debuxos representan xente rezando.

No ano 2009 houbo un roubo. Os ladróns levaron un dos sepulcros infantís. A Policía Autonómica investigou o roubo pero a peza nunca apareceu. A asociación ADEGA pediu que abriran un expediente que sancionara ao Concello de Monterrei polo abandono destes restos arqueolóxicos.

En novembro de 2010 fomos visita a capela e os restos, e fixemos estas fotos que podedes ver aquí.

POSTER SOBRE COIDAR O MEDIO AMBIENTE

2010-11-26T15:25:00.002+01:00

O Señor Océano

2010-11-24T13:31:00.010+01:00

Miguel e Alba, alumnos de quinto, queren ensinarvos un traballo de. Fixeron un debuxo sobre un tal Señor Océano, e vannos mostrar uns cantos paragrafos que escribiron sobre el:

Alba:

O Señor Océano éenorme e xa cumpriu moitos anos. Na súa casa habitan unha morea de fillos, netos e bisnetos e tataranetos. Ten moito xenio e cando se enfada empeza a berrar e rompe o que se lle pon por diante. Cando está de bo humor xoga cos nenos na praia, pero cando quere facer exercicio érguese e xoga cos barcos.

Miguel:

Don Océano é moi vello. Hai millóns de anos que na súa casa habitan unha morea de netos diferentes: José, Aarón, Iván, Ana, etc... Cando ten ganas de facer exercicio erguesé e xoga cos barcos. En cambio, cando está tranquilo todo o mundo pode xogar con el. Ten moi mal xenio, e rompe todo o que ten diante.

Agustin Fernández Paz

2010-06-02T11:52:00.010+02:00

Agustín Fernández Paz naceu en Vilalba en 1947.

Cando era neno non habia television na súa casa, entón contábanse contos na lareira, cando era inverno, e na porta da casa no verán. Ademais, o seu pai, carpinteiro e músico, animábao a ler os seus libros, unhas 50 ou 60 novelas que tiña na casa. Gustáballe moito Julio Verne.

De mozo, na escola, gustáballe moito escribir tebeos, contos, redaccións…

Cando era mestre en Mugardos, escribiulle unha novela en galego aos seus alumnos, porque daquela non había textos en galego axeitados para nenos. Logo foi profesor nun instituto de Vigo.
Foi dos primeiros en escribir libros de texto en galego, traballando cun grupo de compañeiros de profesión.

O seu primeiro libro foi As flores radiactivas, que gañou o Premio Merlín. Co seu segundo libro, Contos por palabras, conseguiu o premio Lazarillo, a primeira vez que o gañaba un libro en galego. Eses dous premios animárono a seguir escribindo.

Hoxe en día, é un dos autores galegos que máis libros vende. Este mural coas portadas de algúns dos seus libros "roubámoslla" ao blog As falangueiras, do IES Lauro Olmo do Barco de Valdeorras. Grazas.

Aquí vos quedan algunhas opinións sobor dos libros de Agustín Fernández Paz que estivemos lendo esta temporada:

Thais: Eu lin un conto quese chama "Un tren cargado de misterios" e gústoume porque hai misterio e sorpresas.

Alba: Eu lin "Fantasmas no corredor". Gustoume moito o capítulo 12 porque a nena descubriu os fantasmas. Entón, marcharon para a outra casa porque tiña unha irmá pequena que se chamaba Beba.

Miguel: Eu lin "O soño do merlo branco". No medio era un pouco aburrido, pero o principio e o final estuvo moi ben. A min onde máis me gustou foi no principio, cando o pai lle enseñaba o que tiñan que facer de maiores.

Noelia: Gústoume moito "Rapazas", aínda que ao principio moito non o entendía. Despois, cando avanzaban os capítulos xa ía entendendo todo.

María: Gustáronme moito os contos de "Amor os vinte anos Marilyn", porque son de risa e iso a min encántame. O conto que máis me gústou foi "Un problema de ósos".

Donde viven los monstruos

2010-05-10T11:37:00.007+02:00

Ola nenos qué tal estades? Hai uns días vimos unha peli que se chama "Donde viven los monstruos". A película era un pouco triste e ao mesmo tempo tamén divertida. está baseada nun libro do mesmo título, ainda que non son exactamente iguais. Recomendámosvos a película porque sabemos que o ides pasar moi ben véndoa.

Imos contarvos un pouco de que vai:

Conta a historia de Max, un neno moi intelixente, incomprendido e rebelde, que foxe de casa tras unha forte discusión coa súa nai. Pero no é unha fuxida calquera, pois Max intérnase nun bosque misterioso creado pola súa propia imaxinación. o seu obxectivo: chegar á terra das Cousas Salvaxes, un lugar onde poderá facer travesuras para sempre.

Esperamos que vos guste.

Imos de excursión a Orense!

2010-05-10T11:19:00.005+02:00

O día 29 de abril fomos todo o colexio de excursión a Orense.

Ao chegar fomos ver a Catedral, que é preciosa. Tiña marcas dos albaneis que a fixeron.

Tamén fomos ver as charquiñas do Outariz. Para ir as charquiñas fomos montados nun trenciño, que iba moi a modo. Ao chegar as charquiñas fomos dar un pequeno paseo por alí. As primeiras charquiñas eran un pouco sosas pero indo mais para adiante foron mais bonitas. Tiñan céspede , un bar, tendas e unhas pedras grandes moi bonitas.

O único problema das charquiñas é que algunhas son moi frías e outras moi quentes. A ventaxa é que son curativas.

O día do libro

2010-04-22T12:03:00.007+02:00

No noso colexio, para celebrar o día do libro, imos ver unha película chamada Donkey Xote que esta basada na novela Don Quijote de la Mancha, que foi escrita por Miguel de Cervantes. Tamén imos deseñar un libro sobre Don Quijote de la Mancha. Cada ciclo con distinta dificultade, e ademais un marcador que van facer as maiores.

Pero, sabedes porque se celebra nesta data o Día do libro? Ímosvolo explicar:

O Día do libro celébrase o 23 de abril porque ese mesmo día de 1616 morreu Cervantes, o escritor que escribiu a novela máis reconocida do mundo, "Don Quijote de la Mancha". Ademais, coincidiu que ese mesmo día dese mesmo ano, morreu Shakespeare, o escritor máss importante en lingua inglesa. Vaia conicidencia!

Imos a piscina!

2010-04-13T12:41:00.004+02:00

Este ano coa nova profesora de E.F imos os de 2º, 3º, 4º, 5º e 6º a piscina. Estamos facendo un cursiño para aprender a nadar. Ao final do cursiño case sempre os que se portaron ben poden xogar ou tirarse. Os de 2º e 3º van os mércores. En cambio, os de 4º 5º e 6º vamos os venres. Hai un monitor que nos da consellos para nadar mellor, pero non só aprendemos a nadar senon tamén a bucear ¡E mola mogollón! Cada día aprendemos máis e máis. Tendes que animarvos a vir ¡E moi divertido!

MULLERES TRABALLADORAS

2010-04-12T11:19:00.007+02:00

O día 8 de marzo celébrase o Día da muller traballadora, e celébrase xusto nesa data porque hai moitos anos un montón de mulleres rusas foron ao palacio dos que mandaban no seu país a protestarlle pola escaseza de alimentos que facía pasar fame ás súas familias. Tamén porque nese mesmo día de 1909 , nunha fábrica de Estados Unidos arderon unhas 200 e pico mulleres que protestaban polas súas durísimas condicións de traballo. Nós, no C.E.I.P de Medeiros fixemos algúns traballiños sobre o asunto.

Os de infantil buscaron fotos de mulleres que traballan en oficios que normalmente son de homes.

Os de 2ºe 3º buscaron mulleres deportistas. Por exemplo, Nadia Comanecci que con só 14 anos, conseguiu por primeira vez a puntuación perfecta (un 10), nunhas olimpiadas.

Os de 4º, 5ºe 6º buscamos información mulleres compositoras co profesor de música. Por exemplo, Ana María Mozart que tiña o mesmo talento ca seu irmán, o Mozart famoso, pero que por ser muller non se lle recoñeceu. E aínda por enriba tiña que quedar coidando á súa nai mentres Mozart ía de xira.

Co outro profesor buscamos datos de mulleres científicas, mulleres como Barbara MacCintock que descubriu unha parte moi importante do ADN.

Todas estas mulleres son importantes porque conseguiron destacar en oficios que normalmente desempeñan os homes.

Traballos de inglés

2010-03-08T11:17:00.009+01:00

Ola. En cada tema do noso libro de inglés estudamos un vocabulario diferente. Os alumnos de 4º, 5º e 6º, fixemos uns cantos debuxos que agora vos vamos mostrar. Estes teñen que ver coa familia.

Na segunda unidade, o vocabulario tivo que ver coa comida, e nós fixemos unhas cantas poesías en inglés con ese tema:

Clases de break dance na biblioteca

2010-02-04T15:05:00.005+01:00

O 28 de xaneiro veunos visitar ao cole un rapaz que practicaba break dance. Primeiro, a nosa profe de E.F. explicounos onde naceu o break e en que consiste, e despois púxonos uns cantos videos. Logo, el, que se chamaba Miguel, bailounos un pouquiño, pero a verdade é que era agotador e deixouno enseguida. El díxonos que fixéramos uns cantos pasos fáciles e nos dixémoslle que non, pero Loli, a profe de E.F. mandounos bailar. Participou todo o colexio menos os profes. A verdade é que foi moi guai e moi divertido. A min gustaríame que volvese, para poder velo bailar, e nós volver a participar.

Estas son algunhas das opinións dos meus compañeiros:

Thais: “Gústome moito, xa que nos enseñou pasos fáciles, e algúns difíciles. Tiña que vir mais veces o colexio para ensiñarnos o Hip Hop”.

Alba: “A min gustoume moito o que fixo Miguel. As volteretas que fixo a min gustáronme moito, e non sei como puido facer iso. Quedamos todos asombrados, e ademais non sei como non rompeu unha man”.

Miguel: “A min, bailar non me gusta, pero o que fixo Miguel é moi difícil. Fixo volteretas, xiros e moitas cousas mais. A todos lle gustou. Tería que vir outra vez”.

Las aventuras del pequeño Nicolás

2010-02-04T12:28:00.011+01:00

Ola a todos. Vouvos recomendar un libro que me aconsellou un dos meus profes. Titúlase "Las vacaciones de pequeño Nicolás", e vouvos contar un pouco de que vai.

Nicolás é un rapaz de entre sete e oito anos.Ten moitos amigos, con eles e con seus pais ocórrenlle moitas aventuras. Vouvos contar unha delas. Por exemplo, o día que lle deron a súa primeira paga semanal e non sabía en que gastala. Ata que un día os seus amigos lle deron unha idea: que comprara chocolate para todos. El comprou unha tableta e compartiuna con seus amigos.

Eu lin tres libros da serie: "Las vacaciones del pequeño Nicolás" , "Los recreos del pequeño Nicolás" e, por último, "Joaquin tiene problemas". O que máis me gustou foi "Las vacaciones del pequeño Nicolás".

A min gústanme os libros do pequeno Nicolás porque cada vez as aventuras son máis sorprendentes e mais bonitas. Ata agora só había tres na biblioteca, pero agora compraron outros dous máis novos.

Caligramas

2009-06-17T13:40:00.009+02:00

Esta semana estuvemos probando a facer caligramas. Xa sabedes, poesía con forma de debuxos. Algúns son poemas, outros adiviñas e outras veces saíron debuxos con poesías dentro, pero o caso era xogar un pouco coas palabras. Aquí vos quedan.

Cristovo Colón

2009-06-09T13:37:00.012+02:00

Ímosvos contar unha historia de Cristovo Colón que fixemos as de 5ºe 6º nun traballo de clase.

Cristovo Colón naceu en Xénova (Italia) hai mais de 500 anos, de pais tecedores, e tiña dous irmáns. Aos 14 anos apuntouse de grumete nun barco, viaxou polo Mediterraneo e Inglaterra onde foron atacados. Máis tarde apareceu en Lisboa (Portugal), onde casou e tivo un fillo.

Cristovo propúxolle ao Rei de Portugal unha nova ruta por mar para ir a India, pero eles non lle fan caso e expúlsano. Mórrelle a muller, e marcha co seu fillo a España. Despois de 6 anos de conversacións convence aos Reis Catolicos do seu plan, e éstes danlle tres naves: "La Pinta ", "La Niña"e "La Santa María". Saiu do porto de Palos, en Huelva. Entre os seus mariñeiros estaban os irmáns Pinzón

Cristovo fixo catro viaxes a America:

1ª viaxe: Primeiro chega a Canarias e semanas despois, o 12 de outubro de 1492, pisa terra na illa "San Salvador". De volta a España trouxeron ouro, café, patacas, plátanos, millo, tabaco... O rei Fernando 1º O Católico mándao de volta con 17 naves a por máis ouro.

2ª viaxe: Desembarca na illa "La Española". Alí os indios destruiran o forte, e tivo que crear unha nova cidade, A Isabela. Cristovo volta con ouro, indios e papagaios. Ao chegar, a raíña non queria os indios e o rei quería máis ouro, e mándao a outra viaxe.

3ª viaxe: Cando chegou a "La Española" todos estaban pelexados. O rei mandou un xuíz, e Colón e os seus dous irmáns foron arrestados e enviados de regreso a España.´Ao final, o rei devolveulle as riquezas e os títulos, e logo dun tempo mandoulle que chegara a India antes que Portugal.

4ª viaxe: Foi un desastre, perdeu barcos, non trouxo ouro, e dende aquela non lle fixeron máis caso e morreu no olvido o 20 de maio de 1506.

Os maios

2009-05-26T14:42:00.005+02:00

Como todos os anos, este tamén celebramos a festa dos Maios, e dicir, o final do inverno e achegada da primavera. Outros anos temos feito un maio auténtico, con xestas, musgo, acacias, carrabouxos e flores, pero este fixémolo de cartulina, e decorámolo con flores de seda violeta, naranxas de cartulina, unha cruz e follas de goma eva, follas de verdade e estrellas de cartulina arrugada. Aquí o tedes, cun pouco de retraso, iso sí...

Fantasmas no corredor

2009-05-15T15:25:00.003+02:00

Ola, eu son Miguel, estou en terceiro, e esta é a primeira vez que escribo no blog. Collín este libro porque mo recomendou o meu profesor. Lino e gustoume, porque unha nena que se chamaba Mariña tiña a súa habitacion nun lado da casa e o baño noutra esquina da casa. Entón, para ir ao baño tiña que cruzar todo o salón e no salón había fantasmas. Pero a nena como era tan valente cruzaba o salón todas as noites.

Monstruos y seres fantásticos.

2009-05-05T15:41:00.006+02:00

Ola, chámome Ana é estou en 4º de primaria. Collín este libro porque ao velo, algo me dixo que me ía encantar. Ten todo o que eu quería saber sobre os gnomos, os trols, as fadas, os trasnos..., e ademais moitas sorpresas dentro: cartas, mapas, dragóns desplegables...

Este libro gustoume moito, conta cantidade de historias do mundo fantástico.

O selo maneiro.

2009-04-30T11:29:00.009+02:00

Parece que este mes amigo dos libros non deixamos de agradecer agasallos e premios. O último, e non por iso o menos importante, é a entrada na categoría dos blogs maneiros por conta dos nosos veciños e dos nosos amigos A Ponte Vella, que nos permite exhibir a imaxe do premio “Olha que blog Maneiro”.

As normas que hai que cumprir son as seguintes:

- Exhibir o nome do blogue que concedeu o premio.

- Indicar outros 10 blogues propostos para seren maneiros.

- Comunicar o premio aos blogues seleccionados.

- Publicar as regras.

- Comprobar que os blogues premiados seguen as normas.

Por desgraza so atopamos 5, pero seguiremos buscando máis.

UN RATO NA BIBLIOTECA

A BIBLIOTECA DO CEIP DE PAZOS

BIBLIOCHISPI -C.E.I.P. A LAXE-MARÍN

COLEXIO DE CERVO

BIBLIOBLOGREBOREDA

Día do Libro, con retraso

2009-04-27T11:16:00.010+02:00

Como todos os anos, este tamén celebramos o Día do Libro. Veunos visitar unha contacontos, e fixemos un mercadillo de libros.

A contacontos chamábase Sabela, e era unha actriz de teatro, dun grupo de teatro de Ourense chamado SARABELA. Contounos 3 contos moi divertidos nos que puidemos participar. Cando acabou, regalounos unha piruleta a cada un de nós.

No mercadillo facemos duas cousas: primeiro os rapaces e as rapazas traemos libros da casa que xa lemos e nos aburren, e despois cambiámolos por outros diferentes que trouxeron os demais rapaces e rapazas.

Saímos no periódico!!

2009-04-22T15:03:00.005+02:00

Ei, aquí! Somos nos os do periódico! Somos nos os que facemos o blog de os leóns de medeiros. Somos poucos, pero levámonos moi ben, e como podedes ver nestas fotos que sairon en La Región, tamén facemos moitas actividades á parte de estudar.

Un agasallo máxico

2009-04-21T15:23:00.004+02:00

Sempre é agradable volver e atoparse cun regalo. Neste caso os amigos de Castro de Baronceli agasállannos co Selo Violeta.

“O Selo Violeta representa as sensações que a cor violeta traz para a nossa mente. Este prêmio é dado aos blogs que têm algumas das sensações da cor violeta. São algumas delas: magia, encantamento, graciosidade, magnetismo... e tudo aquilo que parece mágico".

Estas son as regras:

Exhibir o Selo Violeta no blog xunto coas regras.
Indicar cantos blogs consideras que merecen este selo.
Avisar aos indicados, non hai que esquecerse diso!
Escribir dous poderes máxicos que xa imaxinaches ter.

Pois tamén son Blogs Violeta:

UN RATO NA BIBLIOTECA
A PONTE VELLA
FELICES LECTURAS

A maxía co que soñamos acotío é con poder unir cada lector con ese libro que agarda misteriosamente por ese lector na biblioteca.

Fernando Alonso

2009-04-14T15:27:00.008+02:00

Este non é o dos coches. Este naceu en Burgos no ano 1941. Licenciouse en Filoloxía Románica na Universidade de Madrid, foi colaborador de programas radiofónicos infantís en Radio Nacional de España, e obtivo o Premio Ondas no ano 1977. Tamén foi funcionario da Televisión Española, e ocupou o cargo de xefe na División de Investigación e Documentación de Programas Infantis e Xuvenís.

O seu primeiro libro foi “Feral y las cigueñas” no ano 1971, que foi declarado de interese infantil. Tamén escribiu outros como “El hombrecito vestido de gris”, “El faro del viento” ou “A bordo da gaivota”.

Feral y las cigüeñas

A mín, Sonia, gustoume moito o libro "Feral y las cigüeñas". Lino o ano pasado, e vai dun pobo ao que chegaran unhas cegoñas. Feral e outros nenos estaban tentando darlle cun tiracroios as cegoñas, e elas, como as estaban amolando, decidiron marcharse da aldea. Cando se foron as cegoñas, era o tema do que falaba todo o pobo. Como as cegoñas non volveron, Feral decidiu ir buscalas cando foi maior, e buscándoas pasáronlle moitas aventuras. E quen queira saber máis terá que lelo, pero enteiriño.

A bordo da Gaivota

A nós, María e Noelia, que somos as de 5º, o libro "A bordo da Gaivota" gustounos moito por que nos gustan os libros de mariñeiros e barcos. Gustounos moito cando a barca se

mergullaba no fondo do mar e lle traia regalos a Xoan e aos rapaces.

Este libro recomendámosvolo a todos os grandes, os pequenos e ata os anciáns, e dicir a todos os que lles guste ler. Así que xa sabedes, se vos gustan os contos de barcos e mariñeiros ídeo comprar ou ide a biblioteca para collelo. Espero que vos servan estes conselliños.

Amancio amigo e o Meigo de Salamanca

2009-04-01T15:12:00.003+02:00

Collín este libro porque me chamou moito a atención a súa portada, con ese titulo tan misterioso. Vouvos contar un pouco de que vai.

Amancio era un rapaz que estaba namorado dunha rapaza chamada Susana. Él estaba nunha clase de informática, e de súpeto apareceulle unha mensaxe no seu ordenador que dicía: “Queres vir comigo as covas de Salamanca?” El respondeulle que llo tiña que comentar ao seu pai. Máis tarde o profesor, que en realidade era un meigo, levouno onda o seu pai. Este deixouno ir e Amancio foise ás covas co meigo. Alí había unha man e un robot. Como el era o máis listo da clase, o meigo mandoulle facer tres probas, e se non as resolvía quedaría alí para sempre.

A min gustoume este libro porque era moi emocionante. Había moitas cousas sen resolver que ao final se resolveron, e un amor que ao final si que é aceptado.

Novedades da biblioteca

2009-03-24T12:39:00.004+01:00

Ola outra vez, somos as rapazas de 5º e 6º. Ímosvos contar as últimas novidades da biblioteca do colexio de Medeiros. Empezamos por contarvos o concurso de mascotas. Votamos todo o colexio para decidir cal ía ser a mascota da bibiloteca. Gañou a dunha rapaza de 6º que se chama Sonia. Griffi é como se chama a mascota, que é unha mezcla de aguia e león. Como sabedes é un animal mitolóxico.

Agora vouvos falar duns carnets que fixeron os profes para os usuarios da bibiloteca. Sen estes carnets non podemos cambiar os libros da biblioteca aínda que os teñamos listos para cambiar. Nunha esquina, o carnet leva a Griffi, a mascota que debuxou Sonia. A partires de agora ninguén poderá esquecerse del.

Entroidos de Galicia

2009-03-13T12:46:00.003+01:00

Os rapaces de 5ª e 6ª fixemos un traballo sobre os diferentes entroidos de Galicia. Estes tres témolos moi preto:

- O entroido de Laza. A súa máscara é a dos peliqueiros, e as súas celebracións son: a farrapada, as formigas e as cachuchas.
- En Verín a máscara é o cigarrón. Eles botanlle fariña á xente que pasa polo seu lado, e danlle latigazos.
- Os de Xinzo de Limia, chámanlle pantalla a súa mascara. Logo fan mecos, e un mes antes do entroido celebran o domingo fareleiro, o corredoiro e o oleiro. É tradición facer pagar unha ronda de viño a quen non vaia disfrazado.

Pero tamén atopamos información doutros entroidos que se celebran en toda Galicia.
En Maceda os Felos son a alma da festa, e desfilan por toda a vila. En Vilariño de Conso son tradicionais os Boteiros, e as rapazas de alí roubanlle a roupa aos rapaces. Os Irrios desfilan por Castro Caldelas, e os Vergalleiros en Sarreaus. Hai moitos máis, a ver se os descubrides pola vosa conta. A nós encántanos o entroido, é a nosa festa favorita.

Poesía para todos

2009-02-05T12:26:00.006+01:00

Estes días o profesor de Lengua, Galego e Inglés mandounos aprender 3 poesías para recitar a todo o colexio. A nós gústanos moito este traballo, por que nos encanta a poesía; as súas rimas, as suas comparacións, as suas personificacións... As alumnas de 5º escollimos un libro de Antonio García Teijeiro titulado "As catro estacións". O noso poema favorito dese libro esta dedicado ó verán. Esperamos que vos guste... e que chegue pronto o bo tempo.

O sol sol sol

quentaba

na horta.

O sol sol sol

queimaba

na porta.

O sol sol sol

cabelos

de ouro.

O sol sol sol

gardaba

un tesouro.

O sol sol sol

O sol lacazán

anuncia o Verán

Escuela de superheroes

2008-12-17T15:09:00.006+01:00

Piedra Sencilla es un niño muy curioso. Porque en su planeta todos son superheroes menos el. Pero en su planeta es el único que es capaz de enfrentarse a un gigante que los amenaza.

Me gustó mucho porque Piedra Sencilla es el único de enfrentarse al gigante (ese de la foto de ahí al lado). Os lo recomiendo.

Unha contacontos moi especial

2008-11-25T15:14:00.000+01:00

O pasado 19 de outubro veu unha contacontos ó noso colexio. Chamábase Ana e contounos uns contos moi divertidos na biblioteca, pero o bo foi que todos nós participamos. Ademais, case ó final chegaron algúns compañeiros que deixaron o colexio o ano pasado, e tamén participaron.

Os contos foron moi divertidos, pero tamén me ensinaron que as mulleres poden facer o mesmo ca os homes. Espero que se volva a repetir.

Pel de lobo

2008-01-14T10:24:00.000+01:00

Hola son Miriam, unha alumna de sexto do CEIP Medeiros. Os compañeiros que levaban este blog o ano pasado xa non están no cole. A ver se os de este ano somos quen de seguir con el. Empezo cun libro que me encantou. A ilustración é miña.

Xose Miranda escribiu Pel de Lobo. O meu mestre leu o libro e a el gustoulle moito, e díxome que o collera que estaba moi ben. Empeceino a ler e estaba moi interesante.

Un pai e o seu fillo andaban a cazar un lobo branco e outro lobo negro. O que máis me gustou foi a parte do libro onde o lobo os atacou, era impresionante. O pai do neno disparaba pero as balas rebotaban na súa pel dura.

En fin, o libro e unha pasada, eu non me cansaría de lelo. Espero que Xose Miranda escriba mais libros coma ese. Eu xa lera Morning Star e tamén me encantara. Ei de buscar mais libros del.

Adeus amigos

2007-06-15T11:07:00.000+02:00

Decímosvos ola pero tamen adeus, este ano deixamos o colexio e despedímonos de todos vos despois de ler tantos libros e compartilos con vos. Os que máis nos gustaron, aínda que non vos contaramos nada deles son: Kika a aventureira, Moby Dick, El faro del fin del mundo, Veinte mil leguas de viaje submarino, Relatos escalofriantes e moitos máis. Xa non temos nada máis que contarvos non porque queiramos, senon porque non temos tempo. Este blog continuarano o curso que ven os nosos compañeiros de 5º. Esperamos que disfrutarades moito e que sigades disfrutando de todos os libros que lestes e que vos quedan por ler. Un forte abrazo dos alumnos de 6º de primaria do curso 2006/2007.

Roald Dahl

2007-05-25T12:29:00.000+02:00

Este curso descubrimos a Roald Dahl porque vimos unhaa película baseada nun dos seus libros, "Charlie y la fabrica de chocolate" .
Logo, o noso profesor axudounos a buscar máis libros del. Lemos "La maravillosa medicina de Jorge" e "Matilda". Gustáronnos polos seus personaxes, que sempre son nenos moi divertidos, travesos e listos. Os personaxes adoitan ter familias moi raras e peculiares, nas que eles son os máis intelixentes e sensibles.

Harry Potter e a pedra filosofal.

2007-04-27T12:33:00.000+02:00

"Harry Potter e a pedra filosofal" é un gran libro. Conta as historias dun rapaz que vive cos seus tíos, a súa unica familia. Na escola de Hogwarts de maxia e feiticería, prepárase para ser un gran mago e combatir ao seu inimigo Lort Voldermort. Acompáñano os seus amigos Ron, Hermione e moitos máis.
A súa escritora J.K. Rowling convertiuse nunha persoa moi famosa. Os seus libros teñen un gran éxito por todo o mundo. A nos non nos extraña nadiña ese éxito, porque nos gustou moito. Fainos vivir as súas aventuras e intrigas como se fosen realidade.

Benvidos

2007-03-23T12:18:00.000+01:00

Ola, somos os alumnos de 6º de primaria do colexio de Medeiros. Decidimos crear un blog de libros para compartir o noso gusto por eles.

O primeiro libro do que vos queremos falar é Morning Star de Xosé Miranda, porque nos gustou moito a todos. O libro é moi emociónante, e Lourenzo Tasende (o protagonista) vive moitas aventuras cunha panda de ladróns que andan na busca dun tesouro. Este libro recórdanos moito a La isla del tesoro, un dos nosos favoritos. Recomendámosvos que o leades, se queredes pasar un bo rato. A nós a parte que máis nos gustou foi cando atracaron a casa do cura.

Saúdos. Esperamos as vosas respostas.