Entradas

DÍA INTERNACIONAL DA MULLER TRABALLADORA

Imagen
Hoxe, 8 de marzo, celebramos o Día Internacional da Muller Traballadora.  Durante estas semanas estivemos coñecendo diversas mulleres de todo o mundo, que loitaron arreo para conseguir moitos dos dereitos dos que hoxe desfrutamos. Descubrimos dende grandes logros, ata pequenos xestos cotiás que se converteron ao longo do tempo nunha gran revolución.  Tamén aprendemos o motivo polo que se comezou a celebrar este día, e coñecemos como é a vida das mulleres en distintas partes do mundo. Démonos conta de que en moitos países, a día de hoxe, as mulleres seguen sen poder votar, estudar, traballar, ter cartos, saír soas ou mesmo elixir con quen casarse. Vimos por nós mesmos que todas as tarefas as poden realizar tanto homes coma mulleres (non entendemos por que se lle pon xénero a algo tan simple), e comprendemos, que como todas e todos somos persoas, debemos gozar dos mesmos dereitos e deberes. Que importante é a igualdade! Cando xa sabíamos todo isto, tocounos a labor máis emocionante para

ENTROIDO 2021

Imagen
Coma todos os anos, dende principios de febreiro, xa notabamos unha sensación rara no corpo... Que será? O Entroido bulindo dentro de nós! 💥💥💥💥 Nestas dúas últimas semanas, entregámonos a este sentimento tan noso. Os máis pequenos e pequenas traballaron arreo a figura do Cigarrón e das máscaras, escoitaron cancións de Entroido e elaboraron pequenos complementos cos que darlle unha nota de cor a cada xornada. Foron indios e indias, ratiñas e ratiños, luciron máscaras cheas de abalorios, e mesmo diseñaron a súa propia carauta de Cigarrón. Os máis maiores deixaron fluír toda a súa xenialidade e con diversos materiais e moito traballo, crearon máscaras de Peliqueiro de Laza, Pantalla de Xinzo de Limia, Boteiro de Viana do Bolo e Pita de Eiroás, coas que nos transportaron a outros Entroidos ancestrais da provincia de Ourense. Coma en todas as celebracións, enchemos o cole de  alegría e engalanámolo cos nosos sorrisos ocultos, que se converteron coma por arte de maxia no enigmático sorri

VISITA DOS BOLECHAS AO NOSO COLE O CURSO PASADO

Imagen
Onte na CRTVG emitiron a visita que fixeron os Bolechas ao noso cole no curso 2019/2020 e que nos permitiu saír no seu programa "Braulio Tuber". Que guapos estamos todos e todas, e canto medramos! Precisamente ese foi o tema principal da marabillosa entrevista que nos fixeron. Falamos sobre as distintas idades ou etapas da vida polas que pasamos as persoas. Tamén tivemos a oportunidade de cantar e bailar unha canción con Braulio, foi divertidísimo! Aquí vos deixamos o enlace para que poidades desfrutar do programa, do ben que o fixemos e de todo o que aprendemos dos mestres e mestras! 👏👏👏👏👏👏👏👏👏👏👏👏 Braulio Tuber